| 嘩～成年冇打過xanga...連entry個制都搵左一陣先搵到....
連續出去玩左幾晚～居然今晚唔知痴左邊條根想寫下野～
我鍾意寫野ga～不過實在一直都太懶je....
而家工又唔洗返～旅行又去完等9月開學～係時候做下Ｄ平時唔做ge野～
其實想寫Ｄ咩呢？唔知bor～隨心啦～
近排心情都幾得意～只可以用過"煩"字黎形容～
工作方面～唔洗返工～當然好FREE啦～
離開左一個做左一年零個幾月ge地方～好多野都要由頭適應過
身邊ge人都知我有Ｄ驚ga～因為呢一年過得太舒服～hea～
開學之後會點？冇人會知～有Ｄ擔心～
而呢一個地方有Ｄ野我真係唔捨得ge～Ｄ人太好喇～
尋日返到公司探大家～好怪～好似唔再好似以前咁～
點解公司靜左咁多？仲覺得自己嘈....
但聽番公司o係我走左之後ge趣事～都幾得意丫～
原來我o係公司係有影響力ga～好易滿足ge我真係開心ge
不過我知道大家都係適應ge問題je～２星期啦～大家都適應番哂ga喇～
真係好想keep住個個星期happy hour ge日子～奈何我呃唔到自己～真係冇可能....
時間問題啦～＄問題啦～位置問題啦～最後引申就係呢幾日困繞我ge屋企問題......
屋企對於我黎講真係好重要～一直以為自己為左屋企真係可以點都得～
去完日本旅行～陪左屋企人o係番禺住左５日～以為自己已經做得好好
點知返到黎搞到Ｄ關係咁....可能乖乖女呢個面俱掩飾左我廿幾年～
我呢一年ge轉變對於佢地黎講又真係難Ｄ接受ge
身邊好多人都已經睇清左～黎珮汶已經聯上左貪玩／懶玩～我一直都認ga
我知屋企真係太緊張同錫我～但出去玩我唔想再講大話同用應酬ge方式對屋企人
唔想再戴假面俱對對我黎講咁重要ge屋企人喇～可惜係我自己一直都唔敢揭開呢個面俱
根本好多野都係自己做成ga.....或者應該怪自己......由細到到大俾壓力自己ge都係自己....
驚死自己令人失望.....驚死自己出左個框.....唉.......
呢一年真係令我變左ge～之前一直諗住自己係乖乖女～亦要做個好女朋友～
最後搞到咁.....屋企人ge擔心.....仲傷害左身邊ge人......
愛情方面我真係有認真過想做到最好～就係因為要做得好～樣樣以為自己接受到
去到有一刻突然話爆就爆.......一發不可收拾.....令對方接受唔到.....
一直收收埋埋～保持沉默～佢連我點諗都唔知.......可能真係好心做壞事.....
或者佢講得o岩～黎珮汶真係仲好想玩～暫時都未可以好穩定咁留o係佢身邊～
所以我一直都覺得黎珮汶唔值佢做咁多～亦唔應該對我有任何留戀....
去到呢個位～見到佢想放低～大家變得咁陌生時～有Ｄ為佢開心ge～
可能係我自私想自己好過Ｄ卦～我真真正正放低左喇～想對佢公平Ｄ～希望佢唔好再俾呢段關係纏繞啦
做人唔應該有任何框框～珍惜呢一年working holiday啦～o係澳洲享受下生活啦～
一年後返到黎～情況許可之下咪做番朋友囉～甚至o係澳洲帶個女朋友返黎咪介紹我識囉～
唔好再理離開香港之前ge承諾啦～一年話長唔長話短唔短～冇人知會發生咩事
所謂ge諾言～我真係唔會當係咩野一回事～為自己而玩～為自己而活先係最重要～
一句講哂～唔好再要屋企人擔心喇～希望突如其來ge一篇文會令成件事清楚Ｄ啦～
我應承左擺脫＋放低以前ge野～唔再活o係陰影～唔再玩自己～希望佢都可以～
黎珮汶表面真係好理性～有Ｄ野去到頂唔順先爆出黎～爆完又可以冇事咁繼續癲......
但我知道有Ｄ野真係呃唔到身邊ge人.....或者我掩飾ge功力太低......又或者係大家太了解我
我都知自己近排令人擔心ga喇～一係就身體突然休克暈低～一係就狼死得滯撞車......
擔心我ge人放心啦～我真係仲好識分寸～飲酒～我唔會容許自己劈到死ga～自己知自己事嘛
況且我個胃會係一個好好ge reminder～未飲得多個胃已經有反應啦～
車～都唔係成日揸啦～放心～以後會小心Ｄ唔再做盲毛～最多入彎入慢Ｄ囉～
打左咁多係時候收手喇～希望冇悶死大家～唔知幾時先會再出手ga喇～大家等下啦～ |
| |
| 已經好耐冇打xanga～
今個entry係想記低一件令我全家都唔好開＋氣忿ge事～
搞到中秋節前一日都打電話去青衣警署報案～
其實都唔算好大件事ge～
事緣星期五～阿爸放工o係停車場發現我地架電單車花哂～
都幾嚴重～連個車套都穿埋～呢架車雖然都用左一段時間
但佢係阿爸第一次買ge零手新車～買ge時候仲好貴～
佢睇左同諗左好耐先決定由電單車轉手查大綿羊～
仲要一筆過俾～阿爸keep得架車好好ga～
就咁睇仲非常新（除左死氣喉位受熱啞左色之外）～
阿爸返到屋企心情好差～平靜左先同阿媽講件事
大家都可能知道我屋企自從買左架老爺私家車之後～架大綿羊係好少開ge～
況且阿爸年紀都大～冬天手查電單車又凍～如非必要都叫佢手查番私家車～
今次架綿羊已經起碼兩星期冇開喇～我地都答唔出佢係幾時俾人整花～
唯一肯定就係冇出過車～一定係o係停車場內俾人整花～
諗左一晚～懷疑係隔離架車整花～但又唔知點解咁嚴重？！？！
今朝一早出去飲茶～見到停車場阿姐～謎團終於解開
阿姐話前幾日隔離架車lum過～但隔離架車反過方向係另一邊～
當時唔知亦冇諗過我地架車都有事～除此之外仲有另一架車反左
但見損傷唔大～聯絡左lum車車主就不了了之～
經我地研究後發現隔離架車落側腳架only～係俾人推/踢向我地架車方向
因我地架車落大腳架～好穩～令佢反方向跌落地～
搞清件事～阿姐問我地報唔報警～阿爸想算數～因為追究唔到～隔離都係受害者
經大家相量後決定報警備案～好過了mud都唔做停車場不了了之～等下次又發生同類事件
再問領𣾀阿姐佢地會唔會報～阿姐表明佢都唔會報
我地只可以自己報～佢做ge野就係寫番report報告上頭有人報警及所為何事
阿姐翻查過ＣＣＴＶ～原來係7/9 凌晨5:40發生～
但因為個ＣＣＴＶ係轉ge～影唔到有人......
都唔知個ＣＣＴＶ拍ＭUD～俾我係犯案者都等個ＣＣＴＶ影唔到先玩野啦.....
最後警察黎到落口供～表明交俾ＣＩＤ都係睇ＣＣＴＶ～都跟進唔到Ｄ mud
我地都預左～但備案起碼俾Ｄ壓力停車場～警方都話會加強巡邏～
阿爸安慰自己話咁可能擋左一大劫～真係阿Ｑ喇...
不過我真係好唔明點解Ｄ人咁無聊呢～凌晨五點幾訓覺算啦！！ |
| |
| 有冇人會去埃及呀？？
可唔可以幫我買Ｄ野
我o係埃及向導遊訂造o個隻鐲跌左呀
上面有我個名ge埃及貴族文字ga
戴左成年ga喇～而家灰到爆.......
今晚返到屋企樓下一落巴士就發現唔見左><
我跟住搵阿哥諗住手查車去追巴士～最慘係我搭o個架車係last round
佢出左街～本想打的點知阿哥聽到我喊哂口就趕返黎去長宏巴士總站
佢返樓下我地就見到一架酷似我搭ge巴士o係對面線反方向駛去
但又唔肯定係咪～照上總站先～站長話架車返左青衣車廠
一邊落去另一邊搵做巴士車長ge阿叔check架巴士車牌
落到去攪左一輪發現個站長老點～應該係荔枝角車廠
我阿叔打去話個站長～佢話記錯左另一架車
再手查車荔枝角～阿哥入早左路口～被迫出左尖咀掉頭～
搵到泊巴士ge地方～但又唔係荔枝角車廠
架車suppose已經去完荔枝角車廠入油就泊出街～
最後放棄返屋企～結果都係搵唔到架車～已經用左個幾鐘....
中途阿哥係咁踩油～都唔知有冇俾人影快相～地面又濕滑.......
另一邊廂我阿叔又叫我老豆打上總台（荔枝角車廠）報～睇下折唔折到架車
最後o個面覆我～被懷疑ge2架車一架去左昂船洲車廠維修～
一架入完油o係荃灣西站～搵人睇過～２架都冇～結果我係唔知o係邊跌左.....
唔o係43A~~可能48x~~可能沙田新城市～可能一田～之前仲去過大圍＋馬鞍山補習.......shit
咁多可能～我一定搵唔番.....況且人地睇落又唔係名貴野～執到都唔會keep起
但對我黎講真係好有紀念價值～仲要o係一間o係埃及名店度手訂造......... |
| |
| 上星期日去完旅行返黎～上星期二終於肯開始send email搵工
好好彩用左4日～in左兩間公司就有offer～每日一個procedure
send email->call me for interview next day->interviews->phone me for the offer
上星期五打黎話有offer～考慮左一個weekend～今個星期一終於接受左offer
10/6開始o係一間算出名七十幾人ge公司做野～一星期五天工作
我入o個team負責institution ge 野～同之前聽ge residential有出入～但我鍾意
正當我諗住一切好順利～星期二casual左Ｄ上去簽紙接受offer ge時候
in我ge senior associate(亦係打俾o個個,一個畫眼線ge男人,上次我臨走,
佢叫我一個星期冇消息打俾佢了解情況,搞到我猜度左佢句野一整日)去左開會
又叫我下晝黎搵左佢先～點知又去左開會..........之後知道仲要o係中大開tim
個秘書帶我去見左位李則師～心諗即係大老闆啦～噢...我冇心理準備見大人物bor
一坐低～大老闆問有冇帶野俾佢睇～我黎簽信～冇人話過second in～鬼有準備咩?!
唯有認衰話唔知冇準備到～佢就問我今個sem ge成績同轉移我份resume～
逐項問～點解讀archi?課外活動? computer skill?我當然吹得好得體啦～難唔到我ge
之後o個Ｄ先勁～佢話我開個價好高～而家先壓我價?!我上黎簽紙ga bor?!
我話呢個價係公價～大家根據數據傾出黎唔係我亂作～而其他firm都俾到呢個價甚至高Ｄ
佢再黎話如果俾唔到呢個價我～我會點～當然重新考慮啦～雖然佢算大同出名?!
佢反問我點知佢公司出名～我話中大master plan+香港十大archi firm之一～
開正佢話題～問我覺得佢地masterplan個design點～我都唔記得佢o個係點～以用家角度耍左佢就算～hehe
佢話佢地而家同中大仲有兩個project～問我知唔知～真係唔知bor～係咪未公開？
佢話公佈左～再講多Ｄdetail俾我知～而我跟o個就跟緊其中一個CU project(我可能都係做CUproject^^)
再講多Ｄ～講埋地點我都唔知～唯有話我知rocco o個2幢～唔好搞到我咁孤陋寡聞
返到屋企我search過～都冇公佈過ge～佢"線"我?我扮聽過咪死硬!!好彩我醒目～
傾左一大輪～佢就話其實個senior associate已經應承左請我～我夠知啦～我上黎簽紙ga!!
根本佢份野就一早準備左俾我簽～放左o係檯面一早見到～可能大老闆想試下我卦～
佢話我個價咁高～之後要俾心機做野～我當然繼續賣口乖啦～
佢試完我之後Ｄ態度都幾nice～仲帶我行哂個個studio～又問我住邊～識唔識路走tim^^
個個staff向佢點頭打招呼～我行後面有Ｄ尷尬～最大o個個帶我行～好似好大陣仗咁～
原來呢間公司自己整model ga～佢問我有冇整過～我話我地o個Ｄ好簡單～唔出得大場面
聽之前個senior associate講～佢地亦有department專randering～只要俾"SKETCHUP" model佢地就會攪掂
sketchup+photoshop+autoCAD+powerpt～that's all～
3D max學左都唔洗用～睇黎其他3D software都要之後自學了
呢個就係我突擊2nd in ge經驗～
俾Ｄ溫馨提示大家～簽紙多數係由大老闆簽(esp冇hr dept)～所以簽紙可能要見大老闆～唔好掉以輕心
可以ge話formal少少～拎埋portfolio去以備不時之需～唔好好似我咁狼狽～唔好輕視簽紙confirm offer
仲有未聽過就唔好吹～冇把握時真係要做衰女～俾人拋到就無謂啦～
個突擊2nd in都打亂左我><有Ｄ野問漏左～我冇理由問全公司最大ge老闆我一年有幾多日假同有咩福利ga ma.........
呢間公司有樣野好～我問dress code～佢呆左話我地冇所謂ga bor～
即係連casual wear都得～正呀～不過我當然會乘機買衫返工啦～wakaka
P.S.旅行Ｄ相放左上facebook呢～
|
| |
| 星期日返左喇～無穿無爛～大家放心
只係瀉左半日～而陳生就發燒＋瀉左一日～
今次終於成功同陳生去旅行喇～
實驗証明爆完肺仲可以搭飛機ga～
返到黎懶懶閒～旅行ge野遲Ｄ先再打啦
要開始搵工喇～但仍然holiday mood～hea住搵 |
| |
